Եվրախորհրդարանը պաշտպանել է Եվրահանձնաժողովի արձագանքը ԱՄՆ-ի մաքսատուրքերին և Վաշինգտոնի գործողություններն անվանել է «առևտրային քաոս», հայտարարել է Եվրախորհրդարանի միջազգային առևտրի հանձնաժողովի ղեկավար Բերնդ Լանգը։
«Սակագները սկզբունքորեն վատն են, բայց այդ մաքսատուրքերը հատկապես վատն են, երբ ուղղված են ԱՄՆ առևտրային գործընկերներին, դրանք սահմանվում են կամայականորեն, առանց իրավական կամ տնտեսական հիմնավորման։
ԵՄ-ԱՄՆ առևտրային հարաբերությունները եղել են բարգավաճ, առողջ, հավասարակշռված, արդար և կայուն, բայց մենք պատրանքներ չունենք։
Մենք միասնական ենք և պատրաստ ենք պատասխանելու ամուր, արդար և արդյունավետ։ Առևտուրը Եվրամիության բացառիկ պատասխանատվությունն է, և Եվրախորհրդարանը լիովին աջակցում է։ Մենք շարունակում ենք հավատալ, որ դրական օրակարգի համար բավական տեղ կա։ Ընտրությունը ԱՄՆ-ինն է՝ հետագա առևտրային քաոսի և բիզնեսի հնարավորությունների ավելացման միջև: Ինչպիսին էլ լինի ընտրությունը, ԵՄ-ն պատրաստ է»,- նշվում է փաստաթղթում։
