Երեքշաբթի օրը կայացած Գրենլանդիայի խորհրդարանական ընտրություններին մասնակցությունը կազմել է 70,9 տոկոս, ասվում է կղզու Կենտրոնական ընտրական հանձնաժողովի կայքում տեղադրված պաշտոնական տվյալներով։
Ընտրական հանձնաժողովի տվյալներով՝ վերջին ընտրություններում քվեարկել է 40 369 մարդ, Մոսկվայի ժամանակով ժամը 12.50-ին ձայների ընդհանուր թվից հաշվվել է 28 620-ը։
Ըստ ԿԸՀ-ի՝ 218 քվեաթերթիկ դատարկ է եղել, 104-ը ճանաչվել է անվավեր։
Միևնույն ժամանակ, ինչպես նշվում է, 2021 թվականին Գրենլանդիայի խորհրդարանի վերջին ընտրություններում մասնակցությունը կազմել է 65,9 տոկոս։
Կղզու ԿԸՀ-ի կայքի պաշտոնական տվյալների համաձայն՝ Գրենլանդիայի անկախությանը ձգտող ընդդիմադիր «Դեմոկրատներ» կուսակցությունը 40,3 հազար ձայնից մոտ 29 հազարը հաշվելուց հետո խորհրդարանական ընտրություններում առաջատարն է՝ հավաքելով ձայների 29,9 տոկոսը։
