Մոլդովայի «Մոլդովայի սիրտը» ընդդիմադիր կուսակցությունը հանրապետության նախագահ Մայա Սանդուին կոչ է արել ինքնակամ հրաժարական տալ, հայտարարել է կուսակցության առաջնորդ Իրինա Վլահը։
Նոյեմբերի 3-ին Մոլդովայում կայացել է նախագահական ընտրությունների երկրորդ փուլը։ Հիմնական հավակնորդներն էին Մայա Սանդուն, որը ներկայացնում էր արևմտամետ «Գործողություն և համերաշխություն» կուսակցությունը (PAS) և ընդդիմադիր
Սոցիալիստական կուսակցության թեկնածու Ալեքսանդր Ստոյանոգլոն:
Քվեարկության արդյունքները ցույց են տվել, որ Սանդուն հաղթել է ձայների 55,33%-ով, իսկ նրա մրցակիցը՝ 44,67%-ով։ Սակայն երկրի ներսում արդյունքները, առանց օտարերկրյա սփյուռքի ձայները հաշվի առնելու, հակառակն են ստացվել՝ Ստոյանոգլոյին աջակցել է ընտրողների 51,19%-ը, իսկ Սանդուն՝ 48,81%-ը։
