Պաղեստինյան արմատական ՀԱՄԱՍ շարժումը հույս ունի, որ Իսրայելի հետ Դոհայում սկսված անուղղակի բանակցությունների նոր փուլը կհանգեցնի Գազայի հատվածում հրադադարի համաձայնագրի երկրորդ փուլի իրականացմանը։ Այս մասին հայտնում է Asharq հեռուստաալիքը՝ ՀԱՄԱՍ-ի ներկայացուցչին հղումով։
«Մենք հուսով ենք, որ այսօր սկսված բանակցությունների փուլը կհանգեցնի շոշափելի առաջընթացի և Գազայի հատվածում հրադադարի երկրորդ փուլի սկիզբին», - ասել է պաղեստինյան շարժման ներկայացուցիչը։
Ինչպես հաղորդել է «Ալ Արաբիա» հեռուստաալիքը, մարտի 12-ին Դոհայում ՀԱՄԱՍ-ը ծրագրում է խորհրդակցություններ անցկացնել միջնորդների հետ։ Սպասվում է, որ Կատարի մայրաքաղաք կժամանի նաև ԱՄՆ նախագահի բանագնաց Սթիվեն Վիտկովը։
Իսրայելի վարչապետ Բենիամին Նեթանյահուի գրասենյակն ավելի վաղ հայտարարել էր, որ իսրայելցի բանակցողները մարտի 10-ին կմեկնեն Կատար։ Նրանք կփորձեն ակտիվացնել բանակցությունները Գազայում հրադադարի և անկլավում պահվող պատանդների ազատ արձակման շուրջ։
