Իսրայելը չի հանդուրժի Սիրիայի հարավում զինված կազմավորումների և ահաբեկչական խմբավորումների համախմբումը, ինչպես նաև պատրաստ է պաշտպանել դրուզի բնակչությանը Սիրիայի նոր իշխանությունների հնարավոր գործողություններից։ Այսպիսի հայտարարություն է արել Իսրայելի վարչապետի գրասենյակի խորհրդական Դմիտրի Գենդելմանը։
«Իսրայելը չի հանդուրժի Սիրիայի հարավում ռազմական ենթակառուցվածքների առկայությունը, որը կարող է սպառնալ Իսրայելի քաղաքացիների անվտանգությանը և Իսրայելի պաշտպանության բանակի գործունեությանը։
Իսրայելը թույլ չի տա ահաբեկչական խմբավորումների և զինված խմբավորումների առկայությունը, որոնք վտանգ են ներկայացնում իր քաղաքացիների համար Սիրիայի հարավի անվտանգության գոտում։ Ռեժիմի ուժերի կամ ահաբեկչական կազմակերպությունների կողմից այդ տարածքում ոտք դնելու ցանկացած փորձ կխափանվի»,- ասել է նա։
Հենդելմանը հավելել է, որ «Իսրայելը պատրաստ է անհրաժեշտության դեպքում պաշտպանել Սիրիայի դրուզի բնակչությանը նոր ռեժիմի գործողություններից»։ «Իսրայելը թույլ չի տա հարվածներ հասցնել դրուզներին, ով կփորձի դա անել, մեր (Իսրայել-ՏԱՍՍ) կոշտ պատասխանին կարժանանա»,- ասել է նա։
