Տնտեսությունը Թուրքիայի նախագահ Ռեջեփ Թայիփ Էրդողանի՝ Սերբիա այցի կարևորագույն կողմերից մեկն է, ասել է Սերբիայի առաջնորդ Ալեքսանդր Վուչիչը։ Էրդողանն այցով Սերբիա է ժամանել հինգշաբթի երեկոյան, որին օդանավակայանում հանդիսավոր դիմավորել է սերբական պետության ղեկավարը։
«Տնտեսությունը այս այցի առանցքային ասպեկտներից մեկն է, Թուրքիան Սերբիայում կարևորագույն ներդրողներից է, մենք կխոսենք նոր նախագծերի և ներդրումների, ենթակառուցվածքային նախագծերի, էներգետիկայի և առևտրի մասին, որոնք մեծ նշանակություն ունեն մեր երկրի համար, հատկապես, այս ծանր համաշխարհային տնտեսական պայմաններում»,- գրել է Վուչիչը սոցցանցերում։
