Կալիֆորնիայի համալսարանի գիտնականները պարզել են, որ դիզելային արտանետվող գոլորշիների ազդեցությունը վնասում է լյարդը՝ մկների մոտ առաջացնելով օրգանի բջիջների միտոքոնդրիայի («էլեկտրակայանների») ֆունկցիայի խանգարում: Հետազոտության արդյունքները հրապարակվել են Particle and Fiber Toxicology (PFT) ամսագրում:
Նախկինում հրապարակված հետազոտությունները ցույց են տվել, որ դիզելային արտանետումները և օդի այլ աղտոտիչները կարող են նպաստել 2-րդ տիպի շաքարախտի, լյարդի ճարպային հիվանդության, սրտանոթային հիվանդությունների և քաղցկեղի զարգացմանը: Այս վարկածը հաստատելու համար գիտնականները փորձ են անցկացրել կրծողների վրա։
Հետազոտության ընթացքում մկների լյարդի բջիջները ենթարկվել են դիզելային վառելիքի մասնիկների ազդեցությանը: Դա հանգեցրեց 658 գեների և 118 մետաբոլիտների՝ բջջային նյութափոխանակության արտադրանքների գործունեության խաթարմանը: Միտոքոնդրիալ դիսֆունկցիան առաջացել է արտանետվող գազերի ազդեցության տակ գտնվող բջիջներում: Հետազոտողները բացատրել են, որ նման անցանկալի փոփոխությունները կարող են հանգեցնել տրիգլիցերիդների, ճարպաթթուների և շաքարների ավելորդ արտադրության։
Փորձերը նաև հաստատեցին, որ արտանետվող աղտոտիչները ակտիվացնում են Pck1-ը, որն իր հերթին մեծացնում է գլյուկոզայի արտադրությունը:
Թեև օդի աղտոտվածությունն ու նյութափոխանակության հիվանդությունները կապող նոր ապացույցներ են ի հայտ գալիս, դրանց զարգացման ճշգրիտ մեխանիզմները դեռևս անհայտ են: Հետազոտողները ենթադրում են, որ առողջական խնդիրների հիմնական մեղավորը կարող է լինել ծծմբի երկօքսիդը, որը աղտոտող գազ է և վառելիքի այրման արդյունքում մթնոլորտ արտանետվող գազերի բաղադրիչ:
Թարգմանությունը՝ Euromedia24.com-ի
