ԵՄ երկրները պետք է ուղիներ գտնեն՝ օգնելու Վաշինգտոնին մոտեցնել Կիևին ամերիկյան ռազմական օգնության մատակարարումների դադարեցումից և Սպիտակ տանը հակամարտությունից հետո։ Նման կարծիք է հայտնել Չեխիայի արտգործնախարար Յան Լիպավսկին։
«Մենք նաև պետք է շարունակենք համագործակցել Միացյալ Նահանգների հետ եվրոպական անվտանգության հարցերի քննարկման ժամանակ և, հավանաբար, պետք է ուղի գտնենք Ուկրաինային և ԱՄՆ-ին մերձեցնելու համար»,- ասել է նախարարը, մեջբերում է Reuters-ը։
Չեխիայի դիվանագիտության ղեկավարը նաեւ հայտարարել է, որ Ուկրաինան պետք է ներկա լինի բանակցությունների սեղանի շուրջ խաղաղ կարգավորման համար։
Ավելի վաղ ԱՄՆ նախագահ Դոնալդ Թրամփը, ելույթ ունենալով Կոնգրեսի առջև, ասել էր, որ երեքշաբթի օրը «կարևոր նամակ» է ստացել Վլադիմիր Զելենսկիից, որում նա հայտարարում է Ուկրաինայի հակամարտության խաղաղ կարգավորման բանակցությունների պատրաստակամության մասին։
Զելենսկին սոցիալական ցանցերում ասել է, որ ինքը և իր թիմը «պատրաստ են աշխատել նախագահ Թրամփի ուժեղ ղեկավարության ներքո՝ կայուն խաղաղության հասնելու համար»: Նա նաեւ ափսոսանք է հայտնել Թրամփի հետ հանդիպման ժամանակ տեղի ունեցածի համար, սակայն ներողություն չի խնդրել ԱՄՆ նախագահից։
