Բրիտանական կառավարությունը կենտրոնացած է Ուկրաինայում խաղաղության հասնելու և Կիևին աջակցելու վրա՝ անկախ նրանից, թե ինչ որոշումներ է կայացնում ԱՄՆ ղեկավարությունը։ Այս մասին BBC ռադիոյին տված հարցազրույցում հայտարարել է Մեծ Բրիտանիայի փոխվարչապետ Անժելա Ռայները։
«Վարչապետ Քեյր Սթարմերը ասել է, որ չափազանց կենտրոնացած է խաղաղության հասնելու վրա և չի շեղվելու այս ուղղությունից՝ որոշակի հայտարարությունների պատճառով»,- ասել է Ռայները՝ պատասխանելով Լոնդոնի արձագանքին Ուկրաինային ռազմական օգնությունը դադարեցնելու ԱՄՆ նախագահ Դոնալդ Թրամփի որոշմանը:
«Նա կշարունակի երկխոսությունը մեր ամենահին և ուժեղ դաշնակցի՝ ԱՄՆ-ի, մեր եվրոպացի գործընկերների և Ուկրաինայի հետ։ Մենք ավելացնում ենք Ուկրաինային ցուցաբերվող աջակցությունը, և վարչապետը երեկ մանրամասն խոսեց այս մասին»։
Ինչպես ընդգծել է Ռայները, Սթարմերը և նրա թիմը լրատվամիջոցների միջոցով նամակագրության վեճի մեջ չեն մտնի Թրամփի և նրա վարչակազմի հետ։
