Ուկրաինան զենքի պաշարներ ունի մոտ վեց ամիս, բայց առանց ԱՄՆ-ի օգնության շատ ավելի դժվար կլինի, քան հիմա։ Այս մասին RBC-Ukraine հրատարակությանը հայտնել է Գերագույն Ռադայի Ազգային անվտանգության հարցերով խորհրդարանական հանձնաժողովի անդամ Ֆյոդոր Վենիսլավսկին։
«Կարծում եմ, որ Ուկրաինան, միանշանակ, անվտանգության սահման ունի մոտ վեց ամիս, նույնիսկ առանց ԱՄՆ-ի համակարգային օգնության, բայց դա, իհարկե, շատ ավելի դժվար կլինի», -ասել է նա՝ պատասխանելով զենքի պաշարների մասին հարցին:
Վենիսլավսկու խոսքով՝ հատկապես դժվար կլինի հակաօդային պաշտպանության համակարգերի և HIMARS MLRS-ի դեպքում։ Նա հավելել է, որ Կիևն ակնկալում է այլ սպառազինությունների իր կարիքների մի մասը ծածկել իր ռազմարդյունաբերական համալիրի արտադրանքով։
Փետրվարի 28-ին Վլադիմիր Զելենսկին ժամանել է Սպիտակ տուն։ Բանակցություններից առաջ մամուլի հետ շփման ժամանակ նրա և ԱՄՆ նախագահ Դոնալդ Թրամփի միջև վիճաբանություն է տեղի ունեցել։
