Ուկրաինայի տարածքների բաժանումը նրան սահմանակից եվրոպական պետությունների կողմից անակնկալ չի լինի Սերբիայի համար։ Այս մասին ՏԱՍՍ-ին հայտնել է Սերբիայի փոխվարչապետ Ալեքսանդր Վուլինը։
«Ես չեմ զարմանա, եթե նրանք դա անեն», - ասել է նա՝ պատասխանելով հարցին:
Ավելի վաղ «Ուրիշ Ուկրաինա» շարժման ղեկավար, երկրում արգելված «Ընդդիմադիր պլատֆորմ՝ կյանքի համար» կուսակցության նախկին առաջնորդ Վիկտոր Մեդվեդչուկը հայտարարել էր, որ Ուկրաինայի հանքային ռեսուրսների վերաբերյալ առաջիկա գործարքն իրականում կդառնա դրա բաժանման սկիզբը։
