Ուկրաինան, ԱՄՆ-ի ռազմական օգնության դադարեցումից հետո, կկարողանա պահպանել մարտերի ներկայիս տեմպը մի քանի շաբաթ, կամ գուցե միայն մինչև ամառվա սկիզբը։ Այս մասին CNN-ին ասել է եվրոպացի պաշտոնյան։
Հեռուստաալիքը նշել է, որ ԱՄՆ նախկին նախագահ Ջո Բայդենի վարչակազմը իր լիազորությունների ավարտից քիչ առաջ արագացրել է զենքի մատակարարումը Ուկրաինային՝ ապահովելով երկիրը ժամանակակից սպառազինության մեծ պաշարներով։
Եվրոպական երկրները կարող են փոխարինել ամերիկյան հրետանու մատակարարումները, սակայն Կիևի կողմից օգտագործվող ամենաժամանակակից զենքերը գալիս են ԱՄՆ-ից, ընդգծում է հեռուստաալիքը։
Ավելի վաղ ԱՄՆ Զինված ուժերը դադարեցրել էին Ուկրաինային ռազմական օգնության մատակարարումը, ՏԱՍՍ-ին հայտնել է Պենտագոնի ներկայացուցիչը։
