Եվրահանձնաժողովի ղեկավար Ուրսուլա ֆոն դեր Լայենը, ով այցով գտնվում է Հնդկաստանում, առաջարկել է Նյու Դելիին ազատ առևտրի համաձայնագրեր և ռազմավարական գործընկերություններ կնքել անվտանգության և պաշտպանության ոլորտում։
Եվրահանձնաժողովը Ֆոն դեր Լայենի գլխավորությամբ ներկայումս այցով գտնվում է Հնդկաստանում՝ երկկողմ շփումներն ամրապնդելու նպատակով։
«ԵՄ-ի և Հնդկաստանի միջև ազատ առևտրի համաձայնագիրը կարող է լինել իր տեսակի մեջ ամենամեծ գործարքն աշխարհում: Ես լիովին հասկանում եմ, որ դա հեշտ չի լինելու: Բայց ես նաև գիտեմ, որ այս գործընկերությունը գալիս է մեզ համար ճիշտ պահին:
Այդ իսկ պատճառով մենք պայմանավորվել ենք վարչապետ Մոդիի հետ այս տարվա ընթացքում աշխատել դրա վրա։ Եվ դուք կարող եք հույս դնել իմ ամբողջական հանձնառության վրա այս աշխատանքին»,- ասել է Եվրահանձնաժողովի ղեկավարը։
Նա նաև հավելել է, որ Բրյուսելը ցանկանում է Հնդկաստանի հետ ռազմավարական գործընկերության մեջ մտնել անվտանգության և պաշտպանության ոլորտում։
