ԱՄՆ արդարադատության նախարարությունը Կոնգրեսի մի քանի անդամների զեկույց է ուղարկել վերանայելու 2020 թվականի նախագահական ընտրությունները։ Այս մասին հայտնում է Bloomberg-ը՝ հղում անելով աղբյուրներին։
Զեկույցը պատրաստած հատուկ դատախազ Ջեք Սմիթի խոսքով՝ Թրամփը անօրինական փորձ է արել պահպանել իշխանությունը՝ չնայած ԱՄՆ նախագահական ընտրություններում պարտվելուն։ Փաստաթուղթն ավելի ուշ հանրությանը հասանելի կդառնա, նշում է Bloomberg-ը։
«Ռոյթերզ»-ի հաղորդմամբ՝ զեկույցը քննում է նաև Թրամփի դեմ ուղղված մեղադրանքները՝ գաղտնի փաստաթղթերը ոչ պատշաճ պահելու վերաբերյալ:
Ինչպես հունվարի 12-ին ՏԱՍՍ-ին հայտնել է ԱՄՆ արդարադատության նախարարության պաշտոնական ներկայացուցիչը, Սմիթը լքել է հատուկ դատախազի պաշտոնը։ ԱՄՆ արդարադատության նախարարությունն այս շաբաթ հայտնել է, որ մտադիր է հրապարակել Թրամփի դեմ երկու հետաքննության վերաբերյալ Սմիթի զեկույցի համառոտ տարբերակը։
