Գրենլանդիան մտադիր է դառնալ ինքնիշխան պետություն, այս հարցը սակարկելի չէ։ Այս մասին The Globe and Mail-ին հայտնել է Գրենլանդիայի խորհրդարանի անդամ Կունո Ֆենքերը։
«Ինքնիշխան պետություն դառնալու մեր ցանկությունն անվիճելի է, և մենք պատրաստ ենք համաձայնության կամ ազատ ասոցացման մեջ մտնել Դանիայի կամ Միացյալ Նահանգների հետ», - ասել է նա:
Առաջին հերթին, կղզին պետք է առանձնացնի իր տնտեսությունը Դանիայից՝ զարգացնելով օգտակար հանածոների հանքավայրերը և նվազեցնելով ձկնորսության դերը։ Պատգամավորը կարծում է, որ այդ նպատակների համար լավագույն ներդրողն ԱՄՆ-ն է։
Քաղաքական գործչի կարծիքով՝ կղզին պետք է ուղիղ բանակցելու իրավունք ունենա․ Դանիան չպետք է հանդես գա որպես միջնորդ արտաքին քաղաքականության հարցերում։
