Եվրահանձնաժողովի (ԵՀ) նախագահ Ուրսուլա ֆոն դեր Լայենը թոքաբորբի պատճառով մեկ շաբաթ անցկացրել է հիվանդանոցում և այժմ գտնվում է տանը՝ Գերմանիայում։ Այս մասին Բրյուսելում կայացած մամուլի ասուլիսում հայտարարել է ԵՀ խոսնակ Պաուլա Պինյոն։
«Հունվարի 2-ին նա գնացել է հիվանդանոց ստուգման և մինչև հաջորդ ուրբաթ մոտ մեկ շաբաթ հիվանդանոցում է եղել»,- ասել է նա։ Ըստ Պինյոյի՝ ԵՀ-ի ղեկավարը ներկայումս գտնվում է տանը՝ Գերմանիայում և լավ ապաքինվում է։ Նա չի հստակեցրել, թե կոնկրետ երբ ֆոն դեր Լեյենը կվերադառնա աշխատանքի։
Հունվարի սկզբին Եվրահանձնաժողովը հայտնեց, որ ֆոն դեր Լայենը հիվանդացել է թոքաբորբով և հունվարի առաջին երկու շաբաթների ընթացքում չի կատարել իր պարտականությունները։
