Անհայտ անձինք մտել են ԱՄՆ բանակի պահեստ Կալիֆորնիայի Թասթին քաղաքում և գողացել երեք Humvee և այլ ռազմական տեխնիկա։ Այս մասին ասվում է տեղի ոստիկանության ֆեյսբուքյան էջում հրապարակված հաղորդագրության մեջ։
Իրավապահ մարմինների տվյալներով՝ բացի երեք ավտոմեքենայից, հարձակվողները գողացել են մեքենաների վրա տեղադրված գնդացիրների 8 ամրակ, գնդացիրների 7 եռոտանի, բժշկական սարքավորումներ, 40 զույգ հեռադիտակ և 18 սվին։
Զենքի կամ զինամթերքի անհետացման մասին տեղեկություններ չկան։ Ոստիկանությունը հետաքննում է։
