Թուրքիայի ներքին գործերի նախարար Ալի Երլիքայան հայտարարել է, որ Սիրիայում իշխանափոխությունից հետո կտրուկ արագացել է սիրիացիների վերադարձի տեմպերը հայրենիք՝ վերջին մեկ ամսվա ընթացքում նրանց թիվը հասել է 52,6 հազարի։
«Մինչև 2024 թվականի դեկտեմբերի 8-ը, երբ Սիրիայում փոխվեց իշխանությունը, ամեն ամիս երկիր էր վերադառնում միջինը 11 հազար մարդ, սա անցյալ տարվա դեկտեմբերին նախորդած 11 ամսվա տվյալներն են։
Դամասկոսում իշխանափոխությունից անմիջապես հետո այս թվերը կտրուկ աճեցին։ Անցած ամսվա ընթացքում 52,6 հազար մարդ կամավոր վերադարձել է Սիրիա»,- լրագրողներին ասել է նախարարը Հաթայ նահանգի Գիլվեգեզու անցակետում։
