Վրաստանի նախկին նախագահ Սալոմե Զուրաբիշվիլին հաստատել է, որ կմեկնի ԱՄՆ՝ Դոնալդ Թրամփի երդմնակալության արարողությանը Հարավային Կարոլինայի հանրապետական կոնգրեսական Ջո Ուիլսոնի հրավերով։
«Գիտեք, և այսօր ես հաստատում եմ, որ ես գնում եմ նախագահ Թրամփի երդմնակալության արարողությանը, ես մեկնում եմ Վաշինգտոն Ջո Ուիլսոնի հրավերով»,- ասել է Զուրաբիշվիլին Թբիլիսիում իր նոր գրասենյակում կայացած ճեպազրույցում:
Զուրաբիշվիլիի խոսքով՝ ինքը Վաշինգտոնում «բարձր մակարդակի հանդիպումներ կունենա»։
Դեկտեմբերի վերջին Վիլսոնը X-ում գրել է, որ Զուրաբիշվիլիին, որպես Վրաստանի «միակ օրինական առաջնորդ», հրավիրվում է հունվարի 20-ին կայանալիք Թրամփի երդմնակալությանը:
