Կառավարության դիմացից տղամարդկանց բազմությունը շարժվեց դեպի Գլխավոր Դատախազության շենքի մոտ։ Ակցիայի մասնակիցները ոչ մի կերպ չեն հայտնում, թե որն է իրենց ակցիայի պատճառն ու նպատակը։
Սակայն, Euromedia24-ին հայտնի դարձավ, որ նրանք ԵԴ1/0050/01/23 քրեական գործով մեղադրյալ Նարեկ Սարգսյանի հարազատներն են, որոնց ընդունել են Գլխավոր դատախազությունում և պատասխանել հետաքրքրող հարցերին:
Նշենք, որ ցույցը Մրգավետ գյուղի բնակիչ Նարեկ Սարգսյանի ազատ արձակման պահանջով է։ Նա մեղադրվում է սպանություն իրականացնելու համար, սակայն նրա պաշտպանները և համագյուղացիները կարծում են՝ Սարգսյանն անմեղ է։ Վերջինս շուրջ 3 տարի գտնվում է կալանքի տակ։Ցուցարարները Դատախազությունից պահանջում են արդար դատաքննություն Նարեկ Սարգսյանի համար
