Շիրակի մարզպետ Դավիթ Առուշանյանի շնորհավորական խոսք էհղել ձմեռային զորակոչի առթիվ:
«Սիրելի նորակոչիկներ, ձմեռային զորակոչի մեկնարկն այսօրվանից տրված է և դուք եք փոխարինելու ՀՀ զինված ուժերում պարտքը կատարած ավագ ընկերներին։
Ձեր կյանքում նոր շրջափուլ է մեկնարկում, որը տարբերվելու է բնականոն ընթացքից, այն, իհարկե, առավել պարտավորեցնող ու պատասխանատու է։
Մեր ողջ ժողովուրդը միշտ էլ առանձնակի հարգանքով, սիրով ու գորովանքով է վերաբերվել զինվորներին։ Այդ առանձնակի սիրուն ու ակնածանքին այսուհետ դուք եք արժանանալու բոլորիս կողմից։
Զինվորական ծառայությունը փորձություն է, որը վստահ եմ՝ կհաղթահարեք պատվով։ Դուք այսուհետ լինելու եք մեր պաշտպանն ու վահանը, ձեր հզոր բազկի ուժով է պահվելու մեր հայրենիքի սահմանը:
Դժվարություններ, իհարկե, կլինեն, բայց դրանք հաղթահարելու կամք դուք կգտնեք ձեր մեջ՝ չեմ կասկածում։Մաղթում եմ ձեզ հաջողություն, առողջություն, երջանկություն ու անփորձանք ծառայություն: Երբեք չկորցնեք զգոնությունն ու սթափությունը, ծառայակից ընկերների կողքին միշտ եղեք, քանզի միասնության մեջ է ուժը, միասնականությամբ ենք առավել ուժեղ ու անպարտելի։
Չընկրկեք, չերկմտեք ու երբեք չերկնչեք, տոկուն մնացեք։Ձեզ հաստատակամություն և ուժ եմ մաղթում, իսկ ձեր ծնողներին ու հարազատներին՝ համբերություն։
Թող խաղաղ երկնքի տակ ծառայեք, խաղաղ պայմաններում կարողանաք կատարել ձեր պարտքը և վերադառնալ հայրենի տուն։Անվտանգ, խաղաղ, բարի ծառայություն ձեզ»։
