Մեծ Բրիտանիան ՆԱՏՕ-ի Steadfast Dart զորավարժություններին կուղարկի 2600 զինվոր և 730 տեխնիկա: Թագավորության պաշտպանության նախարարության հայտարարության համաձայն՝ դրանք տեղի կունենան Բուլղարիայում եւ Ռումինիայում հունվարի 13-ից փետրվարի 26-ը։
Գերատեսչությունը նշում է, որ բրիտանացի զինվորականները կիրականացնեն զորավարժություններին մասնակցող բոլոր ցամաքային ուժերի հրամանատարությունը։
Միաժամանակ, թագավորական նավատորմը և ռազմաօդային ուժերը նույնպես կներգրավվեն Steadfast Dart-ում։
Հաղորդվում է, որ առաջիկա զորավարժությունները գնահատելու են ՆԱՏՕ-ի հնարավորությունները՝ դաշինքի արեւելյան սահմաններում արագ արձագանքման ուժերի արագ տեղակայման համար։
«ՆԱՏՕ-ի արագ արձագանքման նոր ուժերը ոչ միայն կաջակցեն դաշինքի պաշտպանական կարողություններին ճգնաժամի ժամանակ, այլ նաև կուժեղացնեն մեր հակառակորդներին, այդ թվում՝ Ռուսաստանին զսպելու մեր կարողությունը»,- ասվում է պաշտպանության նախարարության հրապարակած փաստաթղթում։
