2025 թվականի հունվարի 1-ից Շվեյցարիայի իշխանություններն արգելել են հասարակական վայրերում կրել դեմքը ամբողջությամբ թաքցնող հագուստ՝ ներառյալ հիջաբ: Արգելքի խախտման համար տուգանքները տատանվում են 100-ից մինչև 1 հազար շվեյցարական ֆրանկ (110,2 դոլարից մինչև 1102 դոլար):
Շվեյցարիայի բնակչությունը քվեարկել է նախաձեռնության օգտին 2021 թվականի մարտին կայացած հանրաքվեում։ Այն ժամանակ հարցման մասնակիցների 51,2%-ը կողմ է արտահայտվել արգելքին։ Նախկինում այս սահմանափակումը գործում էր միայն տարածաշրջանային մակարդակով Սենտ Գալեն և Տիչինո կանտոններում։
Արգելքը կվերաբերի մահմեդական հավատացյալների կրած հագուստին, ինչպիսիք են հիջաբը և բուրկան, ինչպես նաև ֆուտբոլասերների կողմից կրած բալակլավները: Դրանք այժմ արգելված է կրել խանութներում, ռեստորաններում, պետական կառույցներում և հասարակական տրանսպորտում: Այնուամենայնիվ, դեմքը ծածկող հագուստը դեռևս հնարավոր կլինի կրել պաշտամունքի վայրերում, կառնավալներում կամ ցրտից պաշտպանվելու համար:
Շվեյցարիայի նախագահ Կարին Քելեր-Սուտերի խոսքով՝ արգելքը կվերաբերի Շվեյցարիայում բնակվող 400 հազար մուսուլմանների միայն մի փոքր մասի վրա։ Դրանցից, ինչպես նշել է քաղաքական գործիչը, միայն մոտ 20-30 կին է կրում հիջաբ։
