Մարդասիրական կազմակերպությունները դադարեցնում են գործունեությունը Աֆղանստանում այն բանից հետո, երբ թալիբների իշխանություններն արգելեցին կանանց աշխատել իրենց տարածքում։ Նախկինում աղջիկներին արգելվում էր մուտք գործել երկրի բուհեր, գրում է Euro News-ը։Չորս խոշոր մարդասիրական կազմակերպություններ դադարեցրել են գործունեությունը Աֆղանստանում։
Նրանք նման որոշում են կայացրել այն բանից հետո, երբ «Թալիբան» շարժումը կանանց արգելել է աշխատել հասարակական կազմակերպություններում, որոնցից ավելի քան 180-ը երկրում կա։ Միջազգային օգնության գործակալությունների ներկայացուցիչները զգուշացնում են, որ պարենային և տնտեսական ճգնաժամի պայմաններում դա աղետալի հետևանքներ կունենա բնակչության համար։«Մենք կոչ ենք անում թալիբների իշխանություններին հնարավորինս շուտ չեղարկել այս որոշումը։
Սա տեղի է ունենում ամենավատ պահին, երբ Աֆղանստանի տնտեսությունը փլուզվում է, և մենք աշխատուժում կանանց կարիք ունենք, որպեսզի տնտեսությունը վերականգնվի», վկայակոչել է Աֆղանստանում փախստականների նորվեգական խորհրդի տնօրեն Նիլ Թերները։
