Սլովակիայի վարչապետ Ռոբերտ Ֆիցոն սպառնացել է Ուկրաինային լուրջ հակամարտությամբ, եթե Կիևը թույլ չտա Բրատիսլավայի համար նախատեսված գազի տարանցումը իր տարածքով դեպի Եվրոպա։
«Եթե Զելենսկին բաց չթողնի մեր գազը, կարող է լուրջ հակամարտություն առաջանալ»,- ուրբաթ օրը գրել է Ֆիցոն Facebook սոցիալական ցանցի իր էջում։
Նա նշել է, որ Սլովակիան օգնություն է ցուցաբերում Ուկրաինային և հույսը դնում է Բրատիսլավայի նկատմամբ Կիևի նույն վերաբերմունքի վրա։ Ֆիցոյի կարծիքով՝ սա չպետք է լինի միակողմանի․
Ֆիցոն ավելի վաղ ասել էր, որ Զելենսկին բացառում է հաջորդ տարի Ուկրաինայի տարածքով գազի տարանցման հնարավորությունը։
Ուկրաինայի տարածքով Եվրոպա ռուսական գազի տարանցման վերաբերյալ գործող համաձայնագրի ժամկետը լրանում է տարեվերջին։ Ուկրաինայի իշխանությունները բազմիցս հայտարարել են, որ չեն նախատեսում երկարաձգել այն։
