Թբիլիսին պատասխան պատժամիջոցներ չի կիրառի Վիլնյուսի և Տալլինի դեմ, չնայած այն բանին, որ դրա իրավունքն ունի։ Այս մասին ասվում է Վրաստանի կառավարության հայտարարության մեջ։
«Վրացական իշխանություններն իրավունք ունեն և հնարավորություն ունեն պատասխան քայլերով հակազդել Լիտվայի և Էստոնիայի կառավարությունների հակավրացական որոշումներին։
Սակայն, ելնելով լիտվացի և էստոնացի ժողովուրդների նկատմամբ վերաբերմունքից, նպատակահարմար չենք համարում նման քայլերի դիմելը։ Մեր որոշումն է երկու պետությունների հետ մնալ միակողմանի բարեկամության ռեժիմում, որպեսզի մեր կողմից վտանգ չստեղծվի վրացի, էստոնացի և լիտվացի ժողովուրդների ավանդական բարեկամության համար»,- ասվում է հայտարարության մեջ։
