Ռուսաստանը Ինդոնեզիայի համար ընկալվում է որպես լավ գործընկեր և ընկեր, հայտարարել է ՌԻԱ Նովոստիին Ինդոնեզիայի ԱԳՆ ներկայացուցիչ Նանանգ Ֆադիլլահը։
Այսօր նշվում է Ռուսաստանի և Ինդոնեզիայի միջև երկկողմ հարաբերությունների հաստատման 76-րդ տարեդարձը։
«Բնականաբար, այս 76-րդ տարեդարձի առթիվ համոզված եմ, որ Ինդոնեզիայի և Ռուսաստանի միջև բարեկամությունն ու համագործակցությունը բազմաթիվ ոլորտներում շարունակվելու և ամրապնդվելու է։ Ես շատ եմ քննարկել սա իմ շրջապատի և ընկերների հետ։ Այստեղ՝ Ինդոնեզիայում, Ռուսաստանը ընկալվում է որպես լավ գործընկեր և լավ ընկեր»,-ասել է ՌԻԱ Նովոստիին Նանանգ Ֆադիլլահը։
Նրա խոսքով՝ Ինդոնեզիան « մշտապես հիշում է» ԽՍՀՄ-ի աջակցությունը Ջակարտայի անկախության պայքարում։
«Շատ մարդիկ մինչ օրս դա հիշում են։ Դա դարձել է մեր բարեկամության և համագործակցության որոշակի հիմք։ Մենք երբեք չենք մոռանում հին ընկերներին և միշտ դա գնահատում ենք», — հավելել է գործակալության զրուցակիցը։
