Եվրամիության կողմից Իսլամական հեղափոխության պահապանների կորպուսը (ԻՀՊԿ, Իրանի ԶՈւ էլիտար ստորաբաժանումներ) ահաբեկչական կազմակերպություն ճանաչելու որոշմանն ի պատասխան՝ Իրանի արտաքին գործերի նախարարությունը Թեհրան է հրավիրել Եվրամիության բոլոր այն երկրների դեսպաններին, որոնք հավատարմագրված են Իսլամական Հանրապետությունում, բողոք հայտնելու նպատակով։ Այդ մասին հայտնել է Իրանի ԱԳՆ պաշտոնական ներկայացուցիչ Էսմայիլ Բաղային։
«Եվրամիության բոլոր անդամ պետությունները, որոնք Թեհրանում դեսպանություններ ունեն, հրավիրվել են արտաքին գործերի նախարարություն, և Իրանի Իսլամական Հանրապետության բողոքը նրանց փոխանցվել է գրավոր ձևով, սակայն սա նվազագույն քայլն է», — նշել է նա շաբաթական ճեպազրույցի ընթացքում։
Բաղայիի խոսքով՝ Իրանը դիտարկում է Եվրամիության դեմ մի շարք այլ պատասխան քայլեր, և վերջնական որոշումը կընդունվի առաջիկա օրերին։
