Քաբուլում գազի բալոնի և գոլորշու կաթսայի պայթյունի հետևանքով զոհվել է յոթ երեխա և մեկ կին, ևս վեցը ծանր վիրավորվել է, կիրակի օրը հաղորդել է աֆղանական AVA-press լրատվական գործակալությունը։
«Քաբուլի Քալա-ե Ֆաթուլլահ շրջանում գազի բալոն և գոլորշու կաթսա է պայթել, որի հետևանքով զոհվել է ընտանիքի ութ անդամ, այդ թվում՝ մեկ կին և յոթ երեխա։ Եվս վեցը տուժել է», – հայտնել է գործակալությունը։
Զոհվածներն ու տուժածները նույն ընտանիքի անդամներ են, որոնք վերջերս էին վերադարձել Պակիստանից և բնակություն հաստատել այդ տարածքում: Պայթյունն այնքան հզոր է եղել, որ տունն ամբողջությամբ ավերվել է:
«Տուժածները տեղափոխվել են քաղաքի բժշկական հաստատություններ, նրանցից մի քանիսի վիճակը գնահատվում է որպես ծանր», – նշել է գործակալությունը։
Ձմռան ամիսներին աֆղանցիների մեծամասնությունը, որոնց տները չունեն կենտրոնական ջեռուցում, տաքանալու համար ապավինում է գազի բալոններին: Շատերը նաև օգտագործում են դիզելային վառելիքով և կերոսինով աշխատող ռադիատորներ։ Սա հանգեցնում է բազմաթիվ պատահարների երկրի տարբեր շրջաններում։
