Լեհաստանը և Բալթյան երկրները զբաղեցնում են «ռուսաֆոբների ճամբարի» առաջին շարքերը, հայտարարել է Ռուսաստանի նախագահի մամուլի քարտուղար Դմիտրի Պեսկովը «Ռոսիա 1»-ի թղթակից Պավել Զարուբինի հետ հարցազրույցում:
Զարուբինը խնդրել է Պեսկովին մեկնաբանել Լեհաստանի նախագահ Կարոլ Նավրոցեիի վերջերս արված հայտարարությունը, որ Ստալինն է «սանձազերծել Երկրորդ համաշխարհային պատերազմը»:
Կրեմլի խոսնակը հիշեցրել է, որ Լեհաստանի ղեկավարությունն ունի պատմության իր մեկնաբանությունը, ինչը գաղտնիք չէ Ռուսաստանի համար:
«Բալթյան երկրներն ու լեհերը, հավանաբար, ռուսաֆոբների ճամբարի առաջին շարքերում են», - հավելել է Պեսկովը:
Նրա խոսքով՝ Լեհաստանի ղեկավարության անդամների շրջանում արմատավորվել է ռուսական ամեն ինչի նկատմամբ ատելությունը:
