ԱՄՆ նախկին նախագահ Ջո Բայդենը, պաշտոնը լքելիս, իր հետ տարել է երկու դիվանագիտական նվեր՝ ինքնաթիռի բեկորը Պապուա Նոր Գվինեայի վարչապետ Ջեյմս Մարափեից և մանյակներ (cufflinks) Իտալիայի վարչապետ Ջորջիա Մելոնիից, հայտնում է Bloomberg գործակալությունը՝ հղումով ԱՄՆ Պետդեպարտամենտի զեկույցին։
Պետդեպարտամենտի զեկույցի համաձայն՝ նվերներից մեկը հանդիսացել է թեթև ռմբակոծիչ A-20 Havoc ինքնաթիռի մասնիկը։ Գործակալության նշմամբ՝ հենց այս տեսակի ինքնաթիռով էր թռչել Բայդենի պապը՝ ԱՄՆ Օդուժում ծառայության տարիներին, երբ 1944 թվականին կործանվել էր Պապուա Նոր Գվինեայի ափերի մոտ։ Այս ինքնաթիռի մասնիկը նախկին նախագահին նվիրել է Պապուա Նոր Գվինեայի վարչապետ Մարափեն։
Մարափեն Բայդենին նվիրել է նաև շրջանակապատ պաստառ, ավանդական ձեռագործ պայուսակ, շապիկ, «Դրախտի թռչուններ» նկարը
ոսկե մեդալ և սուրճ։ Բոլոր նվերների ընդհանուր արժեքը կազմել է 1254 դոլար։
