Անցյալ շաբաթ Աբու Դաբիում կայացած բանակցությունների ընթացքում ԱՄՆ պատվիրակությունը առաջ է քաշել այն գաղափարը, ըստ որի Ուկրաինան և Ռուսաստանը կարող էին համաձայնել միմյանց էներգետիկ օբյեկտների նկատմամբ հարվածների ժամանակավոր դադարեցման շուրջ՝ որպես լարվածության նվազեցմանն ուղղված քայլ։
Այդ մասին գրում է Financial Times թերթը՝ հղում անելով իր աղբյուրներին և բանակցություններին մասնակցած բարձրաստիճան ուկրաինացի պաշտոնյային։
«Նրանք նշել են, որ սա ԱՄՆ պատվիրակության գաղափարն է, ըստ որի Ուկրաինան և Ռուսաստանը պետք է համաձայնեն ժամանակավորապես դադարեցնել միմյանց էներգետիկ օբյեկտների նկատմամբ հարվածները՝ որպես լարված բանակցությունների ֆոնին իրավիճակի ապաէսկալացիային միտված քայլ»,– նշվում է պարբերականի հաղորդման մեջ։
Ավելի վաղ ԱՄՆ նախագահ Դոնալդ Թրամփը հայտարարել էր, որ անձամբ դիմել է Ռուսաստանի նախագահ Վլադիմիր Պուտինին՝ խնդրելով չհարվածել Կիևին և Ուկրաինայի մի շարք այլ քաղաքներին։
