Կուբան ամենախիստ կերպով դատապարտում է ԱՄՆ-ի կողմից երկրի նկատմամբ ձեռնարկված նոր միջոցները։ Այդ մասին հայտարարել է Կարիբյան հանրապետության արտաքին գործերի նախարար Բրունո Ռոդրիգես Պարրիլյան։
«Մենք ամենախիստ կերպով դատապարտում ենք ԱՄՆ-ի վերջին սրացումը Կուբայի դեմ,– գրել է նախարարը X սոցիալական հարթակում։ Այժմ նրանք առաջարկում են մեր երկրի համար վառելիքի մատակարարումների լիակատար շրջափակում սահմանել»։
«Սա արդարացնելու համար նրանք դիմում են ստերի երկար ցանկի՝ փորձելով ներկայացնել Կուբային որպես սպառնալիք, որը իրականում գոյություն չունի»,– ընդգծել է Ռոդրիգես Պարրիլյան։
Նրա խոսքով՝ «ամեն օր ի հայտ են գալիս նոր ապացույցներ այն մասին, որ տարածաշրջանում խաղաղության, անվտանգության և կայունության միակ իրական սպառնալիքը և միակ կործանարար ազդեցությունը հանդիսանում է ԱՄՆ կառավարության ազդեցությունը մեր Ամերիկայի ժողովուրդների և երկրների վրա, որոնց այն ձգտում է ենթարկել, թալանել, թուլացնել և զրկել անկախությունից»։
