Եվրամիության առաջնորդները մտադիր են հաջորդ մարտին Բրյուսելում կայանալիք գագաթնաժողովում որոշում ընդունել՝ Ուկրաինային 10 տարվա ընթացքում 1,5 տրիլիոն ԱՄՆ դոլար հատկացնելու մասին, հաղորդել է Հունգարիայի վարչապետի գրասենյակի ղեկավարը՝ Գերգեյ Գույաշը՝ նախազգուշացնելով, որ երկրի կառավարությունը դեմ է արտահայտվելու ԵՄ ղեկավարության այս պլանին։
«Բոլոր քայլերը, որոնք այժմ ձեռնարկվում են Բրյուսելում, նպատակ ունեն շարունակելու պատերազմը Ուկրաինայում։ Մարտի ԵՄ գագաթնաժողովում նրանք ցանկանում են ընդունել որոշումներ այս նպատակների համար։ Հունգարիան փորձում է հակադրվել պատերազմի ֆինանսավորմանը, ուստի, կարևոր է, որ մենք զբաղեցնենք հստակ դիրք այդ հարցում», — ասել է Գույաշը լրագրողների հետ հանդիպման ժամանակ։
Նա հիշեցրել է, որ վերջին չորս տարիներին ԵՄ-ը Ուկրաինայի աջակցությանը ծախսել է 193 միլիարդ եվրո։ «Սա երեք անգամ ավել է այն գումարից, որը մենք, հունգարացիներս, ստացել ենք ԵՄ-ից մեր անդամակցությունից ի վեր [2004 թվականից]», — նշել է վարչապետի գրասենյակի ղեկավարը։
