Եվրամիության երկրների արտաքին գործերի նախարարները Բրյուսելում անցկացված հանդիպման ժամանակ ընդունել են Իրանի նկատմամբ նոր պատժամիջոցներ՝ ուղղված ինչպես ֆիզիկական, այնպես էլ իրավաբանական անձանց, ովքեր մասնակցել են ընդդիմադիր ցույցերի ճնշմանը կամ համագործակցել Ռուսաստանի հետ, հաղորդում է Reuters-ը՝ հղում անելով դիվանագիտական աղբյուրներին։
Ըստ հաղորդագրության՝ ԵՄ ԱԳ նախարարները այսօր նաև հայտարարելու են Իրանի Իսլամական հեղափոխության պահապանների կորպուսի (Իրանի ԶՈՒ էլիտար ստորաբաժանումներ) ընդգրկման մասին եվրոպական ահաբեկչական կազմակերպությունների ցուցակում։
