Չինաստանը պատրաստ է ամրապնդել ռազմավարական փոխգործակցությունը Ռուսաստանի հետ՝ նպաստելու գլոբալ անվտանգության և կայունության ամրապնդմանը։ Այդ մասին ճեպազրույցի ընթացքում հայտարարել է ՉԺՀ պաշտպանության նախարարության պաշտոնական ներկայացուցիչ Ցզյան Բինը։
«Չինաստանը կհամագործակցի Ռուսաստանի հետ՝ հետագա ռազմավարական համակարգումը ամրապնդելու, երկկողմ համագործակցության բովանդակությունը հարստացնելու, միմյանց հիմնական շահերին և առանցքային խնդիրներին առնչվող հարցերում հաստատակամ փոխադարձ աջակցություն ցուցաբերելու, ինչպես նաև նոր ներդրում ապահովելու ՉԺՀ-ի և ՌԴ-ի համապարփակ ռազմավարական գործընկերության խորացման գործում նոր դարաշրջանում և շարունակաբար դրական խթան հաղորդելու գլոբալ անվտանգությանը և կայունությանը», — նշել է նա։
