Դանիայի իշխանությունները ծրագրում են Գրենլանդիայում տեղակայել լողացող զորանոց՝ նախկին խորհրդային «Կոնստանտին Սիմոնով» լաստանավի հիման վրա, որը 2014 թվականին վերափոխվել է հետազոտական նավի և ներկայումս գործում է MS Ocean Endeavour անվան տակ։ Այդ մասին հայտնել է գերմանական Bild թերթը՝ հղում անելով Դանիայի զինված ուժերին։
«Դանիայի և այլ երկրների որոշ զինվորներ, որոնք հաջորդ տարի կմասնակցեն Գրենլանդիայում անցկացվելիք Arctic Endurance զորավարժություններին, փետրվարի սկզբից կտեղավորվեն Ocean Endeavour հյուրանոց-նավում։ Նավը խարսխված կլինի Նուուկ նավահանգստում», — մեջբերում է թերթը Դանիայի զինված ուժերի մեկնաբանությունը։
Նշվում է, որ լողացող զորանոցի օգտագործումը նաև թույլ կտա խուսափել Նուուկ քաղաքի հյուրանոցների վրա լրացուցիչ ծանրաբեռնվածությունից։
Bild-ը ընդգծում է, որ լաստանավը կառուցվել և ջուր է իջեցվել 1982 թվականին խորհրդային Հեռավորարևելյան նավագնացային ընկերության կողմից և սկզբնապես կրել է «Կոնստանտին Սիմոնով» անվանումը։
