Թեհրանը բաց է ամերիկյան վարչակազմի հետ բանակցությունների համար, եթե ԱՄՆ-ն իսկապես պատրաստ է իրական երկխոսության՝ համաձայնության հասնելու համար, հայտարարել է Իրանի Մեջլիսի (միապալատ խորհրդարան) խոսնակ Մոհամմադ Բաղեր Ղալիբաֆը։
«Եթե սրանք իրական բանակցություններ են՝ միջազգային նորմերի շրջանակներում համաձայնության հասնելու համար, ապա այո։ Սակայն սրանք այնպիսի բանակցություններ չեն, որոնք ԱՄՆ նախագահ Դոնալդ Թրամփը ցանկանում է. նա պարզապես ցանկանում է իր կամքը պարտադրել ուրիշներին։
Ես կարծում եմ, որ եթե Թրամփը իսկապես ազնիվ է և ցանկանում է շահել Նոբելյան խաղաղության մրցանակը, ապա նա պետք է ձգտի իրական խաղաղության և նախ ազատվի պատերազմ հրահրողներից և նրանցից, ովքեր ցանկանում են, որ Իրանը ենթարկվի», – ասել է նա CNN-ին տված հարցազրույցում։
Նա նշել է, որ Թրամփը «կարող է պատերազմ սկսել» Իրանի հետ, բայց չի կարող վերահսկել դրա արդյունքը։
