Ուկրաինայի նախագահ Վլադիմիր Զելենսկին Միխայիլ Բրոդովիչին նշանակել է Վրաստանում Ուկրաինայի դեսպան։ Այս պաշտոնը թափուր է 2022 թվականից։
Ըստ «Европейская правда»-ի՝ նշանակման հրամանագիրը հրապարակվել է նախագահի աշխատակազմի կայքում։ Միխայիլ Բրոդովիչն ԱԳՆ-ում աշխատում է 1990-ական թվականներից:
2015-2022 թվականներին նա եղել է Ուկրաինայի դեսպանը Սլովենիայում։ 2022 թվականի մարտին Ուկրաինայի նախագահ Վլադիմիր Զելենսկին Վրաստանից հետ կանչեց դեսպան Իգոր Դոլգովին, իսկ հունիսին ազատեց պաշտոնից։ Վրաստանի վարչապետը հայտարարեց, որ չի տեսնում որևէ պատճառ՝ երկրի դիրքորոշումը փոխելու այն հարցերի վերաբերյալ, որոնք Ուկրաինային դրդել են հետ կանչել իր դեսպանին, և որ Կիևը պետք է վերանայի իր դիրքորոշումը։
