2024 թվականին Բրիտանիայում ծայրահեղ աղքատության մեջ գտնվող քաղաքացիների թիվը հասել է մոտ 7 միլիոնի՝ վերջին 30 տարվա համեմատ։ Այս մասին նշվում է Joseph Rowntree Foundation բարեգործական հիմնադրամի զեկույցում։
Հիմնադրամը ծայրահեղ աղքատության շեմը սահմանում է աղքատության շեմի 40%-ի մակարդակով։
Զեկույցի տվյալների համաձայն, ծայրահեղ աղքատության մեջ ապրող ընտանիքի միջին եկամուտը աղքատության շեմից 59%-ով ցածր է։ Երկու երեխայով ընտանիքի համար այս ցուցանիշը կազմում է տարեկան 16,400 ֆունտ ստեռլինգ։
«2023/24 թվականներին 6,8 միլիոն մարդ, կամ աղքատության շեմից ցածր ապրող մարդկանց գրեթե կեսը, ապրում էին ծայրահեղ աղքատության մեջ՝ այնպիսի եկամուտներով, որոնք շատ ցածր են աղքատության շեմից։ Սա ոչ միայն առավելագույն ընդհանուր թիվն է, այլև ամենաբարձր մասնաբաժինը (ծայրահեղ աղքատության մեջ գտնվող մարդկանց համեմատությամբ աղքատների ընդհանուր թվի) ամբողջ դիտարկումների պատմության ընթացքում՝ սկսած 1994/95 թվականից»,-նշվում է զեկույցում։
