ԱՄՆ-ի կողմից Կուբայի դեմ հնարավոր ագրեսիան իր գինը կունենա Վաշինգտոնի համար, քանի որ Հավանան պատրաստվում է պաշտպանել երկրի տարածքային ամբողջականությունը։ Այդ մասին ռազմական վարժանքների ընթացքում հայտարարել է Կուբայի նախագահ, Ազգային պաշտպանության խորհրդի նախագահ Միգել Դիաս-Կանել Բերմուդեսը։
«Ագրեսիայից խուսափելու լավագույն ձևը այն է, որ իմպերիալիզմը ստիպված լինի հաշվարկել, թե ինչ գնով կվճարի մեր երկրի վրա հարձակումը, և դա ուղղակիորեն կապված է նման ռազմական գործողություններին մեր պատրաստվածության մակարդակի հետ»,-ասել է Դիաս-Կանելը վարժանքների մասնակիցների հետ շփման ընթացքում։ Նրա ելույթը ցուցադրել է Caribe հեռուստաալիքը։
Շաբաթ օրը կուբացի առաջնորդը, Ազգային պաշտպանության օրվա միջոցառումների շրջանակում, այցելել է տանկային ստորաբաժանում, որտեղ հետևել է տարբեր տեսակի սպառազինության կիրառմամբ իրականացվող տակտիկական վարժանքներին, ինչպես նաև պայմանական հակառակորդի դեմ մարտի պայմաններում ստորաբաժանումների փոխգործակցությանը։
