Կուբան դատապարտում է «պաղեստինցիների սպանությունն ու խեղումը»՝ որպես իսրայելական բանակի կողմից Գազայի հատվածի հարավում գտնվող մարդասիրական օգնության բաշխման կենտրոնի հրետակոծության արդյունք, և կոչ է անում Իսրայելին թույլատրել օգնության անսահմանափակ մուտքը պաղեստինյան անկլավ։
Այս մասին հայտարարել է Կարիբյան Հանրապետության արտաքին գործերի նախարարության ղեկավար Բրունո Ռոդրիգես Պարիլյան։«Մենք դատապարտում ենք պաղեստինցիների սպանությունն ու խեղումը Գազայի օգնության բաշխման կենտրոնում, որը Իսրայելի կողմից այս ժողովրդի նկատմամբ իրականացվող բնաջնջման հետևանք է։
Իսրայելը պետք է դադարեցնի ռազմական գործողությունները Գազայի հատվածում և թույլ տա մարդասիրական օգնության մուտքը՝ առանց սահմանափակումների կամ պայմանների»,-գրել է նախարարը X-ի իր էջում։Իսրայելական բանակի կողմից Գազայի հատվածի հարավում գտնվող մարդասիրական օգնության բաշխման կենտրոնի ռմբակոծության հետևանքով զոհվել է 23 մարդ, վիրավորվել՝ ավելի քան 200-ը, երեքշաբթի օրը հաղորդել է կատարական «Ալ Ջազիրա» հեռուստաալիքը։
