ԱՄՆ նախագահ Դոնալդ Թրամփը սկսել է սոցիալական ցանցերում գրառումներ անել ավելի քան երեք անգամ ավելի հաճախ, քան իր վերջին՝ 2017-2021 թվականների նախագահական ժամկետի ընթացքում, գրում է Washington Post-ը՝ հղում անելով Trump Twitter Archive առցանց հետևորդի տվյալների վերլուծությանը։
«Կիրակի օրվա դրությամբ, Թրամփն իր սեփական Truth Social սոցիալական ցանցում իր պաշտոնավարման 132 օրվա ընթացքում հրապարակել էր 2262 հաղորդագրություն՝ ավելի քան երեք անգամ ավելի, քան իր առաջին նախագահության նույն ժամանակահատվածում ուղարկված թվիթների քանակն է», - ասվում է հոդվածում։
Թերթը ընդգծում է, որ հոդվածում «գերագույն ազդեցիկ անձ» անվանվող Թրամփի լսարանի հասանելիությունը զգալիորեն աճել է նրա նախորդ նախագահական ժամկետից ի վեր՝ ինչպես նրան հրապարակումներ անելուն և տարբեր հարթակներում դրանք տարածելուն օգնող օգնականների թիմի ստեղծման, այնպես էլ նրան աջակցող բլոգերների և լրագրողների շնորհիվ։
Միևնույն ժամանակ, ըստ Սպիտակ տան անանուն պաշտոնյայի, Թրամփը հաճախ իր կարծիքները կիսում է սոցիալական ցանցերում՝ առանց դիմելու պաշտոնական հայտարարություններով զբաղված խորհրդականների օգնությանը, ինչը նրանց անակնկալի է բերում։
Թրամփը պաշտոնապես ստանձնել է ԱՄՆ նախագահի պաշտոնը հունվարի 20-ին՝ երդվելով Կապիտոլիումում կայացած երդմնակալության արարողության ժամանակ։
