Կանադայի վարչապետ Մարկ Քարնին հայտարարել է, որ միջկառավարական հարաբերությունների նախարարի և Կանադա-ԱՄՆ առևտրի պատասխանատու Դոմինիկ ԼեԲլանկի գլխավորած կանադական պատվիրակությունը մեկնում է Վաշինգտոն՝ սակագնային բանակցությունների համար։ «Մենք պայքարում ենք Կանադայի համար լավագույն գործարքը ստանալու համար։ Այդ աշխատանքը շարունակվում է։
Նախարար ԼեԲլանկը մեկնել է Վաշինգտոն՝ սակագների վերաբերյալ բանակցությունները շարունակելու համար», – երկուշաբթի օրը լրագրողներին ասել է Քարնին Սասկաչևան նահանգ կատարած այցի ժամանակ։Նրա խոսքերը հեռարձակվել են կանադական հեռուստատեսությամբ։
Վարչապետը հավելել է, որ Օտտավան դեռևս ամերիկյան մաքսատուրքերը համարում է անօրինական և անհիմն։Մայիսի 6-ին՝ Վաշինգտոնում ԱՄՆ նախագահ Դոնալդ Թրամփի հետ հանդիպումից հետո, Քարնին հայտարարեց, որ ինքը հիմք է դրել տարբեր հարցերի, այդ թվում՝ մաքսատուրքերի վերաբերյալ հետագա հաղորդակցության համար։ Այնուհետև վարչապետը մանրամասնել է, որ Կանադայի և ԱՄՆ-ի միջև պետք է վերականգնվեն կառուցողական տնտեսական և անվտանգային հարաբերությունները։Ապրիլի 2-ին Թրամփը հայտարարեց, որ Միացյալ Նահանգները ներմուծվող ապրանքների համար սահմանելու է 10% նվազագույն մաքսատուրք։
