ԱՄՆ նախագահ Դոնալդ Թրամփը հայտարարել է, որ զարմացած է Ռուսաստանի կողմից Ուկրաինային ուղղված պատասխան հարվածների մասին լուրից։ Նրա խոսքերը հաղորդել է ՌԻԱ Նովոստին։Նա նշել է, որ այս իրադարձությունները տեղի են ունեցել այն ժամանակ, երբ հակամարտության կարգավորման բանակցությունները կարծես մոտ էին ավարտին։ Թրամփը շեշտել է, որ չի սիրում անակնկալներ։
«Ես շատ զարմացած էի, որ բանակցությունների ժամանակ, որոնք, կարծում էի, շուտով կարող էին ավարտվել, հրթիռներ արձակվեցին այնպիսի քաղաքի վրա, ինչպիսին Կիևն է։ Մենք գրեթե լուծել էինք խնդիրը, և հանկարծ սկսվեցին հրետակոծությունները, մարդիկ մահանում էին։ Ես տեսա մի բան, որին չէի սպասում։
Ես չեմ սիրում անակնկալներ, և դա ինձ շատ հիասթափեցրեց», - ասել է նա լրագրողներին Օվալաձև աշխատասենյակում։Նա հավելել է՝ ինքը դեռևս հույս ունի Ռուսաստանի և Ուկրաինայի միջև ռազմական գործողությունների արագ ավարտի։
