ԱՄՆ նախկին նախագահ Ջո Բայդենը հայտարարել է, որ սկսել է քաղցկեղի բուժումը, որը ներառում է որոշակի դեղամիջոցի ընդունում, և նշել է, որ հիվանդությունը չի ազդել այլ օրգանների վրա։
«Ամեն ինչ կախված է մեկ դեղահաբ ընդունելուց։ Մեկ դեղահաբ վեց շաբաթ, հետո՝ մեկ այլ։ Ոչ մի օրգան չի տուժում։ Իմ ոսկորները ամուր են», - ասել է նա Դելավերում զոհված զինծառայողներին հարգանքի տուրք մատուցելու միջոցառման ժամանակ։ Բայդենը առաջին անգամ հրապարակավ խոսել է իր հիվանդության մասին այն բանից հետո, երբ հանրությունը իմացել է դրա մասին։
Բայդենը նաև ասել է, որ գտնվում է հայտնի վիրաբույժի հսկողության ներքո, ով ինքն էլ հաջողությամբ հաղթահարել է քաղցկեղը։ Նախկին նախագահի խոսքով՝ ապագայի վերաբերյալ իր կանխատեսումը մնում է դրական։
Բայդենի գրասենյակը մայիսի 18-ին հայտարարեց, որ 82-ամյա նախկին նախագահի մոտ ախտորոշվել է շագանակագեղձի քաղցկեղի ագրեսիվ ձև, որը տարածվել է նրա ոսկորներին։
