Ուկրաինայի նախագահ Վլադիմիր Զելենսկին հայտարարել է, որ Չինաստանը դադարեցրել է Ուկրաինային հանրահայտ Mavic անօդաչուների վաճառքը, սակայն շարունակում է մատակարարել Ռուսաստանին։ Ըստ «Политика Страны» Telegram-ալիքի, Զելենսկին նշել է, որ Չինաստանի ներկայացուցիչներն առկա են ռուսական արտադրական գծերում, իսկ Ուկրաինայի համար շուկան փակվել է։
Bloomberg-ը, հղում կատարելով եվրոպացի պաշտոնյային, հայտնել է, որ Չինաստանը կրճատել է անօդաչուների որոշ բաղադրիչների մատակարարումները դեպի Արևմուտք, սակայն զգալիորեն ավելացրել է իր անօդաչու սարքերի արտահանումը Ռուսաստան։ Սա համընկնում է DJI ընկերության Mavic 4 Pro նորագույն մոդելի թողարկման հետ, որը հագեցած է բարձրորակ տեսախցիկներով և հզոր տեխնոլոգիաներով։
Ուկրաինայում ավելի վաղ հայտնել էին, որ զարգացնում են սեփական անօդաչուների արտադրությունը՝ «Սովա-13» մոդելի հիման վրա, որը ներկայացվում է որպես Mavic-ի համարժեք տարբերակ։ Նշվում է, որ նոր դոնորն ավելի դիմացկուն է և արդյունավետ, ինչը կօգնի նվազեցնել ռազմաճակատում սարքերի կորուստները։
