Թուրքիայի նախագահ Ռեջեփ Թայիփ Էրդողանը հայտարարել է Զանգեզուրի միջանցքի բացման անհրաժեշտության մասին և կոչ արել Իրանին աջակցել տարածաշրջանային խաղաղ նախաձեռնություններին: Այս մասին գրում է TRT Global-ը։Էրդողանը ընդգծել է ենթակառուցվածքային նախագծերի կարևորությունը տարածաշրջանի զարգացման և միջազգային ներդրումների ներգրավման համար:
Պատասխանելով լրագրողների հարցերին՝ Էրդողանը կարևորել է Զանգեզուրի միջանցքի նշանակությունը։ «Զանգեզուրի անցումը ոչ միայն Ադրբեջանի ցամաքային կապն է Նախիջևանի հետ, այլև ինտեգրման նոր գիծ, որը Թուրքիայի տարածքով ձգվում է դեպի թյուրքական աշխարհ», - պարզաբանել է նա:
«Մենք ակնկալում ենք, որ մեր հարևան Իրանը կաջակցի այս քայլերին, որոնք կծառայեն մեր տարածաշրջանում խաղաղությանը, հանգստությանը և զարգացմանը», - ասել է նա։ Էրդողանն իր աջակցությունն է հայտնել հայ-ադրբեջանական խաղաղ գործընթացին։ Թուրքիայի նախագահը նաև հայտնել է Թուրքիայի և Հայաստանի միջև «զգուշավոր կարգավորման գործընթացի» մասին:
