Թուրքիայի արտաքին գործերի նախարար Հաքան Ֆիդանը հանդիպել է Ռուսաստանի արտաքին գործերի նախարար Սերգեյ Լավրովի հետ։ Հանդիպումից հետո կայացել է արտգործնախարարների համատեղ մամուլի ասուլիսը։
Ֆիդանը նշել է, որ անցյալ շաբաթ ավարտվել է Ռուսաստանի և Ուկրաինայի միջև գերիների փոխանակումը և Թուրքիան այդ հարցում պատրաստ է ցուցաբերել ամեն տեսակ աջակցություն։Թուրքիայի գլխավոր դիվանագետը նշել է, որ Լավրովի հետ քննարկել են Սիրիայում և Գազայում տեղի ունեցղող զարգացումները և ընդգծել, որ Թուրքիան և ՌԴ-ն պատրաստ են աշխատել Սիրիայի միասնության և տարածքային ամբողջականության պաշտպանության համար։
Անդրադառնալով երկկողմ հարաբերություններին՝ Ֆիդանը ընդգծել է, որ Ռուսաստանի և Թուրքիայի միջև հարաբերությունների կարևոր անկյունաքարը առաջնորդների կողմից հաստատված և վստահության վրա հիմնված հարաբերություններն են։
