Թուրքիայի իշխանությունները պատրաստ են ընդունել Ռուսաստանի և Ուկրաինայի միջև բանակցությունների ևս մեկ փուլ, սակայն վստահություն չկա, որ դրանք կանցկացվեն հաջորդ շաբաթ, RIA Novosti-ին ասել է Անկարայում դիվանագիտական աղբյուրը՝ մեկնաբանելով ՌԴ ԱԳ նախարար Սերգեյ Լավրովի հայտարարությունը, որ մոտ ապագայում կհայտարարվի բանակցությունների նոր փուլի մասին։
Ռուսաստանի և Ուկրաինայի միջև բանակցությունների նոր փուլի մասին կհայտարարվի մոտ ապագայում, չորեքշաբթի հայտարարել է ՌԴ ԱԳ նախարար Սերգեյ Լավրովը։ Ռուսաստանի և Ուկրաինայի միջև բանակցությունների երկրորդ փուլի անցկացման վայր ընտրելիս Մոսկվան կրկին կնախընտրեր Թուրքիան, երեքշաբթի ասել է ՌԴ ԱԳՆ ղեկավարը։
«Բանակցությունները ընդունելու պատրաստակամություն է հայտնվել, մենք սպասում ենք կոնկրետությունների»,- ասել է գործակալության աղբյուրը։
Ի պատասխան ՌԻԱ Նովոստիի ճշտող հարցի, թե արդյոք բանակցություններ կարող են տեղի ունենալ հաջորդ շաբաթ Ստամբուլում, աղբյուրը նշել է, որ «նման որոշակիություն դեռ չկա»։
